მისია
ჩვენ გვწამს, რომ თითოეული ბავშვი უნიკალური ნიჭის მატარებელია. სწორედ ამიტომ, ბაქსვუდის სკოლის უმთავრესი მისიაა ამ ნიჭის აღმოჩენა და შესაბამისი გარემოს შექმნა მისი მაქსიმალური რეალიზებისათვის. სკოლა მოწოდებულია, განათლების ქართული და ბრიტანული ტრადიციების უნიკალური შერწყმის გზით, აღზარდოს მომავალი თაობები თანამედროვე, ქართული, სამოქალაქო საზოგადოების ღირსეულ წევრებად, მისცეს მათ საფუძვლიანი საბაზო ცოდნა სხვადასხვა დარგში და განუვითაროს პრაქტიკული უნარ-ჩვევები წარმატებული სტუდენტობისა და პროფესიული კარიერისათვის.
ხედვა
ბაქსვუდის სკოლის ხედვა ეფუძნება სასკოლო პროცესების სრულად მოსწავლის ინტერესებზე ორიენტირებას. სკოლის გუნდს მიაჩნია, რომ თითოეული თანამშრომელი ემსახურება მოსწავლის პიროვნულ და ფსიქოემოციურ განვითარებას შემდეგი პრიორიტეტებით:
I. ბავშვი, როგორც პიროვნება - (ბედნიერი და რეალიზებული)
II. ბავშვი, როგორც მოქალაქე - (ღირსეული და ერუდირებული)
III. ბავშვი, როგორც პოტენციური ლიდერი - (მაძიებელი და შემქმნელი)
ღირებულებები
სამართლიანობა: სასკოლო წესებისა და ტრადიციების წინაშე ყველა ბაქსვუდელი თანასწორია. ყველას თანაბრად ეძლევა საკუთარი თავის რეალიზების შანსი. ყველა მოსწავლესა და თანამშრომელზე თანაბრად მოქმედებს ბაქსვუდის შეფასებისა და წახალისების სისტემა. შესაბამისად, დაუშვებელია სამართლიანობის პრინციპის დარღვევა ნებისმიერი წევრის მხრიდან;
ტოლერანტობა და ურთიერთპატივისცემა: ბაქსვუდის ოჯახის ერთ-ერთი ძლიერი მხარე მისი მრავალფეროვნებაა. დაუშვებელია ნებისმიერი სახის დისკრიმინაციული ქმედების განხორციელება ან წახალისება ეთნიკური, რელიგიური, პოლიტიკური, რასობრივი, გენდერული, სოციალური, განსხვავებული პირადი აზრის ან რაიმე სხვა ნიშნით;
დისციპლინირებულობა და ტრადიციების პატივისცემა: ბაქსვუდელთა წარმატების საფუძველი დისციპლინის სწორი აღქმა და პატივისცემაა. სასკოლო დისციპლინას და ბაქსვუდის ტრადიციებს ყველა მოსწავლე და თანამშრომელი პატივს სცემს და იზიარებს;
გუნდურობა: ბაქსვუდის სკოლა ერთიანი ოჯახია, რომელიც აფასებს გუნდურობას. ამავე პრინციპს ეყრდნობა ჰაუსების სასკოლო სისტემაც. ბაქსვუდელები პატივს სცემენ ერთმანეთის პოტენციალს, ნიჭსა და ცოდნას, იაზრებენ თანამშრომლობის და გაერთიანებული რესურსების სწორი გადანაწილების მნიშვნელობასა და სიძლიერეს.
ახალი წევრების თანადგომა: ბაქსვუდის ოჯახს ახალი წევრები ყოველწლიურად ემატებიან. თითოეული მოსწავლე და თანამშრომელი აანალიზებს, რომ ყველა ახალ წევრს განსაკუთრებული ყურადღება სჭირდება ბაქსვუდში ადაპტაციისათვის. ბაქსვუდელები სიამოვნებით ეხმარებიან მათ და უზიარებენ გამოცდილებას იმ გზის გასაკვალად, რომელიც ერთხელ თავად უკვე გაიარეს.
სასწავლო პროცესი
ბაქსვუდის სკოლა გელოვანის ფილიალში, 2024-2025 სასწავლო წლისათვის ახორციელებს დაწყებითი (I-VI), საბაზო (VII -IX) და საშუალო (X) საფეხურების პროგრამებს.
ბაქსვუდის სკოლის სასწავლო დღე 9:30 საათიდან 17:00 საათამდე გრძელდება და მოიცავს როგორც საგაკვეთილო პროცესს, ასევე, კვების შესვენებებს, გახანგრძლივებულ პროგრამასა და დამატებით აქტივობებს.
ბაქსვუდის სკოლის თითოეული მოსწავლე სარგებლობს სერვისების გაერთიანებული პაკეტით:
- კვება (დაწყებითი საფეხურისათვის - ორჯერადად, ხოლო უფროსკლასელებისათვის ერთჯერადად);
- გახანგრძლივებული პროგრამა (მეცადინეობის დრო და საკონსულტაციო საათი საგნის მასწავლებელთან);
- თემატური ექსკურსიები.
სურვილისამებრ შეგიძლიათ ისარგებლოთ დამატებით ტრანსპორტირების სერვისით.
მოსწავლეთა მიღება - buckswood.ge
სკოლის შინაგანაწესი -shorturl.at
უფლებების დაცვის მექანიზმი - https://shorturl.at/BhWhR
განვითარების სტრატეგიული გეგმა - https://shorturl.at/1GrcS
განვითარების ერთწლიანი სამოქმედო გეგმა - http://bit.ly/3ztcHOG
სტრატეგიული დაგეგმვის მეთოდოლოგია - https://shorturl.at/Rgegi
მოსწავლის ინიციატივების მხარდაჭერის მექანიზმი - https://shorturl.at/SKGkD
ფინანსური ანგარიშგების დოკუმენტი - https://shorturl.at/Bjxmo
