ბაქსვუდის სკოლის მოსამზადებელი პროგრამა ზრუნავს იმ უნარ-ჩვევების  გამომუშავება-განმტკიცებაზე, რომლებიც დაეხმარება ჩვენს პატარებს სკოლის აკადემიურ და სოციალურ პროცესებთან ადაპტაციაში. 

სასწავლო დღე 09:30 სთ-დან 16:45 საათამდე გრძელდება. 

პროგრამა მოიცავს ასაკობრივი თავისებურებების შესაბამის შემეცნებით, სპორტულ-გამაჯანსაღებელ და სახელოვნებო აქტივობებსა და გაკვეთილებს: ხატვა, ძერწვა, მუსიკა, ეთიკა, ზღაპრის საათი, ტანვარჯიში, მხიარული სტარტები, საანბანო თამაშები, სახალისო ციფრები (მათემატიკის შესავალი), ინგლისური ენის ზეპირსიტყვიერი საფუძვლები, მინი-ლაშქრობები ბაქსვუდის ტყეში და თემატური ექსკურსიები სკოლის გარეთ.

მოსამზადებელი ჯგუფის სააღმზრდელო გუნდი ყველა იმ კომპეტენციასა და მახასიათებელს ფარავს, რომელიც ამ ასაკობრივ ჯგუფს სჭირდება - მზრუნველობა, ბავშვთა ფსიქოლოგია, ასაკობრივი თავისებურებების ცოდნა, პედაგოგიკა, საჭიროებათა საბაზისო დიაგნოსტირება, ეფექტური კომუნიკაცია და კონფლიქტების მართვა და ა.შ.

თითოეულ ჯგუფს, რომელშიც 20 პატარა ბაქსვუდელია, 2 აღმზრდელი-ტუტორი ჰყავს. ისინი მთელ დღეს ბავშვებთან ერთად ატარებენ და ყველა აქტივობაში თითოეული მათგანის მაქსიმალურ ჩართულობას უზრუნველყოფენ.

ცენტრის პროგრამით გათვალისწინებულია სამჯერადი კვება და ტრანსპორტირება “სახლიდან სახლამდე”.

რეგისტრაციისთვის ეწვიეთ ბმულს: https://docs.google.com/forms/d/14mOXZ5CH5X7tv2ob-dYm6D5a6UYFncpexRO8GbV6pKg/viewform?edit_requested=true

დამატებითი ინფორმაციისთვის შეგიძლიათ მიმართოთ სკოლამდელი და დაწყებითი განათლების ხელმძღვანელს, მაშო ჯოხაძეს ელ.ფოსტაზე: juniors@buckswood.ge